ബെംഗളൂരു: മാനന്തവാടിയിൽനിന്ന് മയക്കുവെടി വെച്ച് പിടികൂടി എലിഫന്റ് ആംബുലന്സില് ബന്ദിപ്പൂര് രാമപുരയിലെ ആന ക്യാമ്പിലെത്തിച്ചെങ്കിലും തണ്ണീര് കൊമ്പൻ ഉടൻ തന്നെ കുഴഞ്ഞുവീഴുകയായിരുന്നുവെന്ന് അധികൃതര്. എലിഫന്റ് ആംബുലന്സ് രാമപുര ക്യാമ്പിലെത്തി നിര്ത്തിയപ്പോള് തന്നെ തണ്ണീര് കൊമ്പൻ കുഴഞ്ഞുവീണിരുന്നു. പുറത്തേക്ക് ഇറക്കാനായില്ലെന്നും അല്പസമയത്തിനകം ആന ചരിഞ്ഞുവെന്നും കര്ണാടക വനംവകുപ്പ് അധികൃതര് പറയുന്നു
പെട്ടെന്നുള്ള മരണകാരണം സംബന്ധിച്ചുള്ള അന്വേഷണമാണിപ്പോള് പുരോഗമിക്കുന്നത്. ആനയ്ക്ക് ബാഹ്യമായ പരിക്കുകളോ ആരോഗ്യപ്രശ്നങ്ങളോ ശ്രദ്ധയില്പ്പെട്ടിരുന്നില്ലെന്ന് അധികൃതര് പറയുമ്പോഴും 15മണിക്കൂറിലധികം വെള്ളം കിട്ടാതെ കഴിഞ്ഞതിന്റെ അസ്വസ്ഥതകള് ഉള്പ്പെടെയുണ്ടായിരുന്നിരിക്കാമെന്ന അഭിപ്രായങ്ങളും പുറത്തുവരുന്നുണ്ട്.
അതേസമയം ഉച്ചയോടെയായിരിക്കും ആനയുടെ പോസ്റ്റ് മോര്ട്ടം ആരംഭിക്കുക. ആനയെ പിടിച്ചുകൊണ്ടുപോയതിന്റെ ആശ്വാസത്തിലിരിക്കുമ്പോഴാണ് മരണവാര്ത്തയെത്തുന്നത്.
0 Comments