ഭിന്നശേഷിക്കാരുടെ അവകാശ സംരക്ഷണ നിയമങ്ങളും സർക്കാർ സഹായ പദ്ധതികളും : ബോധവൽക്കരണ ശില്പശാല സംഘടിപ്പിച്ചു

 

ഇരിട്ടി: ഇരിട്ടി നഗരസഭയും  സാമൂഹ്യനീതി വകുപ്പ് , ജില്ലാ ലീഗൽ സർവീസ് അതോറിറ്റി, കണ്ണൂർ ജില്ലാ പരിവാർ എന്നിവയുടെ ആഭിമുഖ്യത്തിൽ ഭിന്നശേഷിക്കാരുടെ അവകാശ സംരക്ഷണ നിയമങ്ങളും സർക്കാർ സഹായ പദ്ധതികളെ സംബന്ധിച്ചും കൗൺസിലർമാർ, അംഗൻവാടി - ആശ പ്രവർത്തകർ, ഭിന്നശേഷിക്കാരുടെ രക്ഷിതാക്കൾ എന്നിവർക്കുള്ള ബോധവത്ക്കരണ ശില്പശാല സംഘടിപ്പിച്ചു. നഗരസഭ ഹാളിൽ നടന്ന ശില്പശാല നഗരസഭ ചെയർപേഴ്സൺ കെ. ശ്രീലത ഉത്ഘാടനം ചെയ്തു. വൈസ് ചെയർമാൻ പി.പി. ഉസ്മാൻ അദ്ധ്യക്ഷത വഹിച്ചു. ക്ഷേമകാര്യ സ്റ്റാൻ്റിംങ്ങ് കമ്മിറ്റി ചെയർമാൻ എ.കെ. രവിന്ദ്രൻ, വിജി തങ്കപ്പൻ, പി. ഷിബിൻ എന്നിവർ സംസാരിച്ചു.  സാമുഹ്യ നീതി വകുപ്പ് സീനിയർ സൂപ്രണ്ട് പി.കെ. നാസറും ഭിന്നശേഷിക്കാരുടെ അവകാശ സംരക്ഷണ നിയമങ്ങളെ സംബന്ധിച്ച് പരിവാർ ഉപദേശക സമിതി അംഗം എം.പി. കരുണാകരനും ക്ലാസ്സെടുത്തു