റിയാദ്: ഇറാൻ ആക്രമണത്തിൽ റിയാദിൽ യുഎസ് സൈനികൻ കൊല്ലപ്പെട്ടു. ശനിയാഴ്ച ഖർജിൽ നടന്ന മിസൈലാക്രമണത്തിൽ പരിക്കേറ്റയാളാണ് മരിച്ചത്. യുഎസ് സൈന്യം മരണം ഔദ്യോഗികമായി സ്ഥിരീകരിച്ചിട്ടുണ്ട്. ഇതോടെ ഇറാൻ യുദ്ധത്തിൽ കൊല്ലപ്പെട്ട യുഎസ് സൈനികരുടെ എണ്ണം ഏഴായി. റിയാദിൽ ഒരാൾ കൂടി കൊല്ലപ്പെട്ടതോടെയാണ് മരണ സംഖ്യ ഉയർന്നത്. അത്യാവശ്യക്കാരല്ലാത്ത മുഴുവൻ യുഎസ് പൗരന്മാരോടും എംബസി ജീവനക്കാരോടും സൗദി വിടാൻ നിർദേശം യുഎസ് നൽകിയിട്ടുണ്ട്. യുഎസ് സൈനികൻ കൊല്ലപ്പെട്ടതിന് പിന്നാലെയാണ് നിർദേശം.