വയനാട് പുൽപ്പള്ളിയിൽ കടുവയുടെ അക്രമണം: പശുവിനെ കൊന്നു

 

പുൽപ്പള്ളി: പുൽപ്പള്ളി താന്നിത്തെരുവിൽ കടുവയുടെ ആക്രമണം. താഴത്തേടത്ത് ശോശാമ്മയുടെ പശുകിടാവിനെ കടുവ കൊന്നു. ഇന്ന് പുലർച്ച 4.30 ഓടെയാണ് തൊഴുത്തിൻ്റെ പുറകിൽ കെട്ടിയ പശുകിടാവിനെ കടുവ കൊന്നത്. പശുകിടാവിന്റെ അലർച്ച കേട്ട് വീട്ടുകാർ വീടിൻ്റെ പുറത്ത് ലൈറ്റ് ഇട്ട ശേഷം നോക്കിയപ്പോൾ കടുവയെ കണ്ടതായും ബഹളം വച്ചതിനെ തുടർന്ന് കടുവ പശു കിടാവിനെ ഉപേക്ഷിച്ച് കൃഷിയിടത്തിലേക്ക് ഓടി മറയുകയായിരുന്നുവെന്നും വീട്ടുകാർ പറഞ്ഞു. ഈ മേഖലയിൽ കടുവ ശല്യം രൂക്ഷമാണെന്ന് നാട്ടുകാർ പറഞ്ഞു. വനം വകുപ്പ് സ്ഥലത്തെത്തിയിട്ടുണ്ട്