തുടക്കം ഗംഭീരം; പ്രതാപം വീണ്ടെടുക്കാൻ ജർമനി

മ്യൂണിക്​: സ്വന്തം കാണികൾക്ക്​ മുന്നിൽ നിറഞ്ഞാടി ആദ്യ മത്സരം ഗംഭീരമാക്കി ജർമനി. മത്സരത്തി​​െൻറ സകല മേഖലകളിലും സമഗ്രാധിപത്യം പുലർത്തിയാണ്​ ജർമനി സ്​കോട്ട്​ലാൻഡിനെ തകർത്തെറിഞ്ഞത്​. ഒന്നിനെതിരെ അഞ്ചുഗോളുകളുമായി നിറഞ്ഞാടിയ മത്സരത്തിൽ താരങ്ങളെല്ലാം തങ്ങളുടെ ജോലി ഉത്തരവാദിത്തത്തോടെ ചെയ്​തു.

ജർമൻ കോച്ച്​ ജൂലിയൻ നേഗൽസ്​മാൻ ആഗ്രഹിച്ച തുടക്കമാണ്​ എല്ലാ താരങ്ങളും മത്സരത്തിൽ നൽകിയത്​. ​േഫ്ലാറിയൻ വിർട്ട്​സ്​, ജമാൽ മുസിയാല, കൈ ഹാവർട്​സ്​ (പെനൽറ്റി), നികൊളാസ്​ ഫുൾക്രഗ്​, എമ്രകാൻ എന്നിവരാണ് ജർമനിക്കായി​ ഗോൾകുറിച്ചത്​. 87ാം മിനുറ്റിൽ അ​ ​േൻറാണിയോ റൂഡിഗറി​െൻറ തലയിൽതട്ടിത്തെറിച്ച പന്ത്​ സെൽഫ്​ഗോളി​െൻറ രൂപത്തിൽ സ്​കോട്ടുകൾക്ക്​ അനുഗ്രഹമായി. രണ്ടുഗോളിന്​ പിറകിൽ നിൽക്കെ റ്യാൻ പ്രി​ട്ടോറിയസ്​ 44ാം മിനുറ്റിൽ ചുവപ്പുകാർഡുമായി മടങ്ങിയത്​ സ്​കോട്ടുകൾക്ക്​ തിരിച്ചടിയായി.