ന്യൂഡല്ഹി: രാജ്യത്ത് കോവിഡ് കേസുകള് 6000 നു മുകളില്. ആക്റ്റീവ് കോവിഡ് കേസുകളുടെ എണ്ണം 6133 ആയി. രാജ്യത്ത് കഴിഞ്ഞ് 24 മണിക്കൂറില് 6 കോവിഡ് മരണങ്ങള് സ്ഥിരീകരിച്ചു. കേരളത്തില് കഴിഞ്ഞ 24 മണിക്കൂറിനിടെ മൂന്ന് കോവിഡ് മരണങ്ങളാണ് റിപ്പോര്ട്ട് ചെയ്തത്. കര്ണാടകയില് രണ്ടു മരണവും തമിഴ്നാട്ടില് ഒരു മരണവുമാണ് റിപ്പോര്ട്ട് ചെയ്തത്. കോവിഡ് ഏറ്റവും കൂടുതല് ബാധിച്ച സംസ്ഥാനമായി കേരളം തുടരുകയാണ്. ഞായറാഴ്ച മാത്രം 1950 കേസുകളാണ് സംസ്ഥാനത്ത് റിപ്പോര്ട്ട് ചെയ്തത്. ഗുജറാത്ത്, പശ്ചിമ ബംഗാള്, ഡല്ഹി എന്നീ സംസ്ഥാനങ്ങളാണ് തൊട്ടുപിന്നിലുള്ളത്.
ഡല്ഹിയില് കഴിഞ്ഞ 24 മണിക്കൂറിനിടെ 21 കോവിഡ് കേസുകളാണ് റിപ്പോര്ട്ട് ചെയ്തത്. ഇതോടെ രോഗബാധിതരുടെ എണ്ണം 686 ആയി. JN.1,NB.1.8.1,LF.7, XFC എന്നിങ്ങനെയുള്ള പുതിയ വേരിയന്റുകളാണ് ഇന്ത്യയില് നിലവില് കോവിഡ് കേസുകളുടെ കുതിപ്പിന് കാരണം. രോഗം വേഗത്തില് വ്യാപിക്കുന്നുണ്ടെങ്കിലും നേരിയ ലക്ഷണങ്ങളാണ് കണ്ടുവരുന്നത്. ആശങ്കപ്പെടേണ്ട സാഹചര്യമില്ലെന്നും ജാഗ്രത പാലിക്കണമെന്നും ഡബ്യൂ എച്ച് ഒ അറിയിച്ചു.
0 Comments