'ഇത് ജനാധിപത്യത്തിന്റെ വിജയം'; സിജെപിയെ അഭിനന്ദിച്ച് സോനം വാങ്ചുക്ക്, ഇനി വിദ്യാഭ്യാസ പരിഷ്കാരങ്ങളിലേക്ക് കടക്കണമെന്ന് ആഹ്വാനം

ന്യൂഡൽഹി: സിജെപി വിദ്യാർഥി സമരത്തിന് പിന്നാലെ പ്രതികരണവുമായി സാമൂഹിക പ്രവർത്തകനും വിദ്യാഭ്യാസ പരിഷ്കാര പ്രവർത്തകനുമായ സോനം വാങ്ചുക്ക്. സമരഫലത്തെ ജനാധിപത്യത്തിന്റെ വിജയമെന്നും സമാധാനത്തിന്റെയും ക്ഷമയുടെയും വിജയമെന്നും വിശേഷിപ്പിച്ച അദ്ദേഹം സമരത്തിന് നേതൃത്വം നൽകിയ സിജെപി യെയും വിദ്യാർഥികളെയും അഭിനന്ദിച്ചു.

സമരത്തിലുടനീളം അഹിംസാപരമായും ക്ഷമയോടെയും മുന്നോട്ടുപോയ വിദ്യാർഥികളുടെ നിലപാടാണ് ഈ വിജയത്തിന് വഴിയൊരുക്കിയതെന്ന് വാങ്ചുക്ക് പറഞ്ഞു. ജനാധിപത്യ സംവിധാനത്തിൽ സമാധാനപരമായ പ്രതിഷേധങ്ങൾക്ക് മാറ്റം സൃഷ്ടിക്കാൻ കഴിയുമെന്ന് ഈ പോരാട്ടം തെളിയിച്ചുവെന്നും അദ്ദേഹം വ്യക്തമാക്കി.

സമരം വിജയിച്ചതിൽ മാത്രം ഒതുങ്ങാതെ, രാജ്യത്തെ വിദ്യാഭ്യാസ മേഖലയിലെ അടിസ്ഥാന പ്രശ്നങ്ങൾ പരിഹരിക്കാൻ ആവശ്യമായ പരിഷ്കാരങ്ങളിലേക്ക് ഇനി കടക്കേണ്ട സമയമാണെന്നും സോനം വാങ്ചുക്ക് അഭിപ്രായപ്പെട്ടു. വിദ്യാഭ്യാസ രംഗത്ത് സുതാര്യതയും വിദ്യാർഥികേന്ദ്രീകൃതമായ മാറ്റങ്ങളും അനിവാര്യമാണെന്നും അദ്ദേഹം കൂട്ടിച്ചേർത്തു.