ഓണക്കാലത്തെ യാത്രാദുരിതത്തിന് പരിഹാരവുമായി കെഎസ്ആർടിസി; ആഗസ്റ്റ് 18 മുതൽ സ്പെഷ്യൽ സർവീസുകൾ, ഓൺലൈൻ ബുക്കിംഗ് ആരംഭിച്ചു

 

തിരുവനന്തപുരം:ഓണക്കാലമടുക്കുന്നതോടെ കേരളത്തിൽ വരുന്ന യാത്രാപ്രതിസന്ധിക്ക് പരിഹാരവുമായി കെ എസ് ആർ ടി സിയുടെ ദീർഘ ദൂര സർവ്വീസുകൾ. കെ എസ് ആർ ടി സിയുടെ അന്തർസംസ്ഥാന സർവീസുകൾക്ക് ഓൺലൈൻ റിസർവേഷൻ ആരംഭിച്ചിട്ടുണ്ട്. ഓണക്കാലം പ്രമാണിച്ചുള്ള അധിക സർവ്വീസുകളാണ് ഇത്. 2026 ഓഗസ്റ്റ് 18 മുതൽ സെപ്റ്റംബർ 2 വരെ കേരളത്തിലെ വിവിധ കേന്ദ്രങ്ങളിൽ നിന്ന് ബെംഗളൂരു, മൈസൂരു, ചെന്നൈ എന്നിവിടങ്ങളിലേക്കും അവിടെ നിന്ന് തിരിച്ചും അധിക സർവീസുകൾ നടത്തും.

2026 ഓഗസ്റ്റ് 19 മുതൽ സെപ്റ്റംബർ 2 വരെ ബെംഗളൂരു, മൈസൂരു, ചെന്നൈ എന്നിവിടങ്ങളിൽ നിന്ന് കേരളത്തിലേക്കുള്ള സർവ്വീസുകൾ.

ബെംഗളൂരു – കോഴിക്കോട് (8 സ്പെഷ്യൽ ഫാസ്റ്റ് സർവീസുകൾ)(SF)

ബെംഗളൂരു – മലപ്പുറം(SF)

ബെംഗളൂരു – തൃശൂർ (3 സൂപ്പർ ഡീലക്സ്)(S/Dlx)

ബെംഗളൂരു – എറണാകുളം (4 സർവീസുകൾ ഉൾപ്പെടെ 3 (S/Dlx) 1 Multi Axle AC)

ബെംഗളൂരു – ആലപ്പുഴ (S/Dlx)

ബെംഗളൂരു – കൊല്ലം (S/Dlx)

ബെംഗളൂരു – കൊട്ടാരക്കര (S/Dlx

എറണാകുളം – മൈസൂരു (SF)

തൃശൂർ – മൈസൂരു (SF)

തിരുവനന്തപുരം – ബെംഗളൂരു (S/Dlx)

തിരുവനന്തപുരം – ചെന്നൈ (S/Dlx)

എറണാകുളം – ചെന്നൈ (S/Dlx

എല്ലാ പ്രത്യേക സർവീസുകൾക്കും ഓൺലൈൻ റിസർവേഷൻ സൗകര്യം ലഭ്യമാണെന്ന് കെഎസ്ആർടിസി അറിയിച്ചു. യാത്രക്കാർക്ക് www.keralartc.com, Ente KSRTC Neo OPRS മൊബൈൽ ആപ്പ്, കൂടാതെ സംസ്ഥാനത്തെ എല്ലാ കെ.എസ്.ആർ.ടി.സി. റിസർവേഷൻ കൗണ്ടറുകൾ വഴിയും മുൻകൂട്ടി ടിക്കറ്റ് ബുക്ക് ചെയ്യാവുന്നതാണ്. യാത്രക്കാരുടെ ആവശ്യകത അനുസരിച്ച് കൂടുതൽ അധിക സർവീസുകൾ ക്രമീകരിക്കുന്നതിനുള്ള നടപടികളും സ്വീകരിച്ചിട്ടുണ്ടെന്നും കെ എസ് ആർ ടി സി അറിയിച്ചു