തിരുവനന്തപുരം: സെപ്തംബര് 25നകം ഡ്രൈവിങ് ലൈസന്സിലെ മൊബൈല് നമ്പര് അപ്ഡേറ്റ് ചെയ്തിട്ടില്ലെങ്കില് ലൈസന്സ് റദ്ദാകും എന്ന തരത്തില് സോഷ്യല് മീഡിയകളില് പ്രചരിക്കുന്ന വാര്ത്തകള് തികച്ചും വ്യാജമാണെന്ന് മോട്ടോര് വാഹന വകുപ്പ്. സേവനങ്ങള് സുഗമമായി ലഭിക്കുന്നതിന് ഡ്രൈവിങ് ലൈസന്സില് ഉടമയുടെ മൊബൈല് നമ്പര് ലിങ്ക് ചെയ്യേണ്ടത് ആവശ്യമാണ്. ഇതിനായി ഔദ്യോഗിക തീയതിയോ സമയ പരിധിയോ വകുപ്പ് നിശ്ചയിച്ചിട്ടില്ല. അതിനാല് പൊതുജനങ്ങള് ഇത്തരം വ്യാജ പ്രചരണങ്ങള് വിശ്വസിക്കരുതെന്നും മോട്ടോര് വാഹന വകുപ്പ് അഭ്യര്ഥിച്ചു
sarathi.parivahan.gov.in എന്ന പോര്ട്ടലില് others എന്ന ലിങ്ക് വഴി update mobile number എന്ന ഓപ്ഷനിലൂടെ ലൈസന്സില് മൊബൈല് നമ്പര് അപ്ഡേറ്റ് ചെയ്യാനാവും. ഇതിനു കഴിയുന്നില്ലെങ്കില് മാത്രം ഓഫീസുകള് സന്ദര്ശിച്ച് മതിയെന്നും ഔദ്യോഗിക വിവരങ്ങള്ക്കായി ഔദ്യോഗിക സോഷ്യല് മീഡിയ പേജുകളിലെ അറിയിപ്പുകള് ശ്രദ്ധിക്കണമെന്നും മോട്ടോര് വാഹന വകുപ്പ് അഭ്യര്ത്ഥിച്ചു
0 Comments