കുട്ടനെല്ലൂർ സർക്കാർ കോളേജിന്റെ ലേഡീസ് ഹോസ്റ്റലിൽ ഭക്ഷ്യവിഷബാധ; 15 പേ‍ർ ചികിത്സ തേടി, ഒരാൾ ഐസിയുവിൽ

തൃശ്ശൂർ: തൃശ്ശൂർ കുട്ടനെല്ലൂർ സി. അച്യുതമേനോൻ സർക്കാർ കോളേജിന്റെ ലേഡീസ് ഹോസ്റ്റലിൽ ഭക്ഷ്യവിഷബാധ. 15 വിദ്യാർത്ഥിനികൾ ആശുപത്രിയിൽ ചികിത്സ തേടി. ഇവരിൽ ഒരാൾ ഐസിയുവിലാണ്. ഇന്നലെ ഉച്ചയ്ക്ക് ശേഷമാണ് കുട്ടികൾക്ക് വയറിളക്കവും ഛർദ്ദിയും ആരംഭിച്ചത്. കോളേജ് ഹോസ്റ്റലിൽ തന്നെയാണ് ഭക്ഷണം ഉണ്ടാക്കിയിരുന്നത്. ഭക്ഷ്യവിഷബാധയുണ്ടായിട്ടും കോളേജ് അധികൃതർ തിരിഞ്ഞു നോക്കുന്നില്ലെന്ന് വിദ്യാർത്ഥികൾ ആരോപിക്കുന്നു.