തളിപ്പറമ്പിൽ കാൽനടയാത്രികരുടെ ദേഹത്ത് അമിത വേഗതയിലെത്തിയ ബസ് പാഞ്ഞുകയറി മൂന്ന് പേർക്ക് പരിക്ക്

തളിപ്പറമ്പ്: അമിതവേഗതയിൽ വന്ന സ്വകാര്യ ബസ് റോഡിലൂടെ നടന്നുപേകുകയായിരുന്ന മൂന്ന് അതിഥിതൊഴിലാളികളുടെ മേൽ ബസ് പാഞ്ഞുകയറി. ഇന്ന് രാവിലെ ഏഴരയോടെയായിരുന്നു സംഭവം. തളിപ്പറമ്പ് ദേശീയപാതയിൽ ആലിങ്കീൽ തിയേറ്ററിന് മുന്നിലാണ് അപകടം നടന്നത്. മൂന്നുപേരും രാവിലെ റോഡരികിലൂടെ നടന്ന് ജോലിസ്ഥലത്തേക്ക് പോകുകയായിരുന്നു. കണ്ണൂരിൽ നിന്ന് കാസർഗോഡേക്ക് പോകുകയായിരുന്ന തബു ബസാണ് അപകടമുണ്ടാക്കിയത്. പരിക്കേറ്റ തൊഴിലാളികളിൽ 2 പേരുടെ നില അതീവ ഗുരുതരമാണ്.