കര്‍ണാടകയില്‍ കണ്ണൂര്‍ കൊളക്കാട് സ്വദേശികൾ സഞ്ചരിച്ച കാര്‍ അപകടത്തിൽപ്പെട്ടു; പിഞ്ചുകുഞ്ഞിന് ദാരുണാന്ത്യം

 

ബെംഗളൂരു: കര്‍ണാടകയില്‍ മലയാളി കുടുംബം സഞ്ചരിച്ച കാര്‍ അപകടത്തിൽപ്പെട്ടു. കർണാടകയിലെ ചന്നപ്പട്ടണയില്‍ വെച്ചായിരുന്നു അപകടം. കാർ ഡിവൈഡറിലിടിച്ച് മറിയുകയും തുടർന്ന് മറിഞ്ഞ കാറിന് പിന്നിലായി ബസ് ഇടിക്കുകയുമായിരുന്നു.

അപകടത്തിൽ ഒരു വയസുള്ള കുഞ്ഞ് മരിച്ചു. കണ്ണൂര്‍ കൊളക്കാട് സ്വദേശി അതുല്‍-അലീന ദമ്പതികളുടെ ഒരു വയസ് പ്രായമുള്ള കുഞ്ഞാണ് അപകടത്തില്‍ മരിച്ചത്. മാതാപിതാക്കളുടെ പരിക്കും ഗുരുതരമാണ്.