ഡൽഹി: ഇന്ത്യ നടത്തിയ ഓപ്പറേഷന് സിന്ദൂര് രാജ്യാന്തര തലത്തില് വിശദീകരിക്കുന്നതിനായി ശശി തരൂര് എംപിയുടെ നേതൃത്വത്തിലുള്ള സംഘം അമേരിക്കയിലേക്ക് പുറപ്പെട്ടു. 9 പേര് അടങ്ങുന്ന സംഘമാണ് അമേരിക്കയിലേക്ക് പുറപ്പെട്ടത്. അമേരിക്ക, ബ്രസീല്, ഗയാന, കൊളംബിയ ഉള്പ്പെടെ സംഘം സന്ദര്ശിക്കും. വിവിധ രാജ്യങ്ങളിലേക്ക് പുറപ്പെടുന്ന നാലാം സംഘത്തിനാണ് ശശി തരൂര് നേതൃത്വം നല്കുന്നത്.
ഇന്ത്യന് പൗരന്മാരെ ഭീകരവാദികൾ ക്രൂരമായി കൊലപ്പെടുത്തിയ സാഹചര്യം വ്യക്തതയോടെ വിശദീകരിക്കാനാണ് പോകുന്നതെന്ന് ശശി തരൂര് പറഞ്ഞു. ഭീകരവാദം കൊണ്ട് നമ്മുടെ രാജ്യത്തെ നിശബ്ദമാക്കാന് സാധിക്കില്ലെന്നും ലോകത്തെ അത് ബോധ്യപ്പെടുത്തുമെന്നും അദ്ദേഹം പറഞ്ഞു. ഇത് സമാധാനത്തിന്റേയും പ്രതീക്ഷയുടേയും ദൗത്യമാണ്. സമാധാനം, ജനാധിപത്യം, സ്വാതന്ത്ര്യം തുടങ്ങി ലോകത്ത് നിലനില്ക്കേണ്ടതായ മൂല്യങ്ങളുടെ സംരക്ഷണത്തിനാണ് ഇന്ത്യ നിലകൊള്ളുന്നതെന്ന് ലോകത്തെ ബോധ്യപ്പെടുത്തുമെന്നും ശശി തരൂര് വ്യക്തമാക്കിയിരുന്നു
0 Comments