മലപ്പുറം: നിലമ്പൂരിലെ യുഡിഎഫ് സ്ഥാനാര്ത്ഥി ആര്യാടന് ഷൗക്കത്ത് ഇന്ന് പാണക്കാട് സന്ദര്ശിക്കും. പിതാവ് ആര്യാടന് മുഹമ്മദിന്റെ ഖബര് സന്ദര്ശിച്ചതിന് ശേഷമാകും ഷൗക്കത്ത് പാണക്കാടേക്ക് തിരിക്കുക. മുസ്ലീം ലീഗ് ദേശീയ ജനറല് സെക്രട്ടറി പി കെ കുഞ്ഞാലിക്കുട്ടിയുമായും കൂടിക്കാഴ്ച നടത്തും. ഇതിന് പിന്നാലെ മണ്ഡലത്തിലെ പ്രധാനപ്പെട്ട നേതാക്കളെയും പ്രവര്ത്തകരെയും ആര്യാടന് ഷൗക്കത്ത് സന്ദര്ശിക്കും. വൈകിട്ട് മൂന്നുമണിക്ക് യുഡിഎഫ് നേതൃയോഗവും നിലമ്പൂരില് ചേരുന്നുണ്ട്. പ്രതിപക്ഷ നേതാവ് വി.ഡി സതീശന്, പി.കെ കുഞ്ഞാലിക്കുട്ടി ഉള്പ്പെടെ യോഗത്തില് പങ്കെടുക്കും.
പി വി അന്വര് രാജിവെച്ചതോടെ ഒഴിവ് വന്ന നിലമ്പൂര് നിയമസഭാ മണ്ഡലത്തില് ജൂണ് 19ന് നിലമ്പൂരില് ഉപതിരഞ്ഞെടുപ്പ് നടത്തുമെന്ന് കഴിഞ്ഞ ദിവസം തിരഞ്ഞെടുപ്പ് കമ്മീഷന് അറിയിച്ചിരുന്നു. ജൂണ് 23 നാണ് വോട്ടെണ്ണല്. പി വി അന്വര് രാജി വെച്ചതിനെ തുടര്ന്ന് വന്ന ഒഴിവിലേക്കാണ് ഉപതിരഞ്ഞെടുപ്പ് നടക്കുന്നത്. നിലമ്പൂര് ഉള്പ്പെടെ രാജ്യത്തെ അഞ്ച് നിയമസഭാ മണ്ഡലങ്ങളിലും ജൂണ് 19ന് ഉപതിരഞ്ഞെടുപ്പ് നടക്കും. ഗസറ്റ് വിജ്ഞാപനം ഈ മാസം 26ന് ഉണ്ടാകും. ജൂണ് രണ്ടിനാണ് നോമിനേഷന് സമര്പ്പിക്കേണ്ട അവസാന തിയതി. നോമിനേഷന് പിന്വലിക്കാനുള്ള അവസാന തീയതി ജൂണ് അഞ്ചാണ്.
.jpg)
0 Comments