ഉറിയിൽ പാക് ഷെല്ലാക്രമണം; സ്ത്രീ കൊല്ലപ്പെട്ടു

 

ശ്രീനഗര്‍: ഇന്ത്യയുടെ അതിർത്തി സംസ്ഥാനങ്ങളില്‍ ആക്രമണം തുടർന്ന് പാകിസ്താൻ. ജമ്മു സർവകലാശാലയിലേക്ക് പാകിസ്താന്‍റെ ഡ്രോണ്‍ ആക്രമണം നടന്നതിന് പിന്നാലെ സർവകലാശാല അടച്ചിട്ടു.

ഉറിയില്‍ നടന്ന ഷെല്ലാക്രമണത്തിൽ സ്ത്രീ കൊല്ലപ്പെട്ടു. സുരക്ഷിതസ്ഥാനത്തേക്ക് മാറുന്നതിനിടെയാണ് ആക്രമണം നടന്നതെന്നാണ് വിവരം. കശ്മീരിലുണ്ടായ ഷെല്ലാക്രമണത്തിൽ വീടുകൾക്ക് കേടുപാട് സംഭവിച്ചു. നിരവധി വാഹനങ്ങള്‍ക്കും കേടുപാടുണ്ടായി.

സംഘര്‍ഷത്തിന്‍റെ പശ്ചാത്തലത്തില്‍ ജമ്മുകശ്മീരിലെ എല്ലാ വിദ്യാഭ്യാസ സ്ഥാപങ്ങൾക്കും അവധി നല്‍കുകയും പരീക്ഷകള്‍ മാറ്റിവെക്കുകയും ചെയ്തു.