വാൻ ഹായ് 503 കപ്പലിന്റേ സേഫ്റ്റി ബോട്ട് ആലപ്പുഴ തീരത്ത് അടിഞ്ഞു

 

ആലപ്പുഴ: കേരള തീരത്തെ പുറംകടലിൽ കത്തിയ വാൻ ഹായ് 503 കപ്പലിന്റേതെന്ന് സംശയിക്കുന്ന സേഫ്റ്റി ബോട്ട് ആലപ്പുഴ തീരത്ത് അടിഞ്ഞു. ആലപ്പുഴ പറവൂർ തീരത്താണ് സേഫ്റ്റി ബോട്ട് അടിഞ്ഞത്. മഞ്ഞ നിറത്തിലുള്ള ബോട്ടിൽ വാൻ ഹായ് എന്ന് എഴിതിയിട്ടുണ്ട്. നാട്ടുകാരാണ് ബോട്ട് ആദ്യം കണ്ടത്.

അതേസമയം, കത്തിയ കപ്പലിന്റെ അവശിഷ്ട്ടങ്ങൾ ആലപ്പുഴ മുതൽ കോഴിക്കോട് വരെയുള്ള തീരങ്ങളിൽ അടിയാൻ സാധ്യതയുണ്ടെന്ന് നേരത്തെ തന്നെ മുന്നറിയിപ്പ് നൽകിയിരുന്നു. കപ്പലിൽ നിന്ന് കത്തിയതാണെന്ന് സംശയിക്കുന്ന ഭാഗികമായി കത്തിയ ബാരലുകൾ കൊല്ലം , ആലപ്പുഴ തീരങ്ങളിൽ അടിഞ്ഞു. ഓറഞ്ച് നിറത്തിലുള്ള ഭാഗികമായി കത്തിയ ബാരലാണ് കൊല്ലം സായിക്കാട് ആവണി ജംഗ്ഷന് സമീപം തീരത്തടിഞ്ഞത്. പൊലീസും ഫയര്‍ഫോഴ്‌സും സ്ഥലത്തെത്തി.

കപ്പലില്‍ നിന്നും താഴേയ്ക്ക് പതിച്ച കണ്ടെയ്നറുകള്‍ എറണാകുളം ജില്ലയുടെ തെക്കു ഭാഗത്തും ആലപ്പുഴ-കൊല്ലം ജില്ലകളുടെ തീരങ്ങളിലുമായി വന്നടിയാന്‍ സാധ്യതയുള്ളതായി കഴിഞ്ഞ ദിവസം സംസ്ഥാന ദുരന്തനിവാരണ അതോറിറ്റി മുന്നറിയിപ്പ് നല്‍കിയിരുന്നു.