നിതീഷ് കുമാര് കേന്ദ്ര മന്ത്രിസഭയിലേക്ക് ഉണ്ടാകില്ല. രാജ്യസഭാംഗമായാലും പട്നയില് തന്നെ തുടരാന് നിതീഷ് ആഗ്രഹം അറിയിച്ചു. മുഖ്യമന്ത്രിസ്ഥാനം നഷ്ടമാകുന്ന ജെഡിയുവിന് രണ്ട് ഉപമുഖ്യമന്ത്രി സ്ഥാനങ്ങള് നല്കാന് ധാരണയായി എന്നും റിപ്പോര്ട്ടുണ്ട്.
രണ്ടു പതിറ്റാണ്ടിന് ശേഷം മുഖ്യമന്ത്രിസ്ഥാനത്തുനിന്ന് ഒഴിയുന്ന നിതീഷ് കുമാര് കേന്ദ്രമന്ത്രിസഭയിലേക്ക് എത്തിയേക്കും എന്ന റിപ്പോര്ട്ടുകളാണ് ബിജെപി കേന്ദ്രങ്ങള് തള്ളുന്നത്.
സര്ക്കാരിന് മാര്ഗ നിര്ദ്ദേശം നല്കി പട്നയില് തന്നെ തുടരാനാണ് ആഗ്രഹം എന്ന് നിതീഷ് അറിയിച്ചതാണ് സൂചന. ബിഹാര് രാഷ്ട്രീയത്തില് നിന്നും മാറിനില്ക്കാനില്ല എന്നും, പാര്ലമെന്റ് സമ്മേളനത്തില് പങ്കെടുക്കാന് മാത്രം ഡല്ഹിയിലെത്താം എന്നുമാണ് നിതീഷ് കുമാറിന്റെ നിലപാട്. കഴിഞ്ഞ ദിവസം പട്നയില് ചേര്ന്ന ജെഡിയു നിയമസഭാ കക്ഷി യോഗത്തിലും നിതീഷ് ഇക്കാര്യം അറിയിച്ചിട്ടുണ്ട്.
0 Comments