വധുവിന്റെ വീട്ടുകാർ ഐസ്‌ക്രീം ചോദിച്ചിട്ട് നൽകിയില്ല; കൊല്ലത്ത് കല്യാണവീട്ടിൽ കൂട്ടയടി

 

കൊല്ലം: ഐസ്‌ക്രീം നൽകാത്തതിന്റെ പേരിൽ കല്യാണ വിരുന്നിൽ കൂട്ടയടി. കൊല്ലം പള്ളിമുക്കിലെ ബിഎസ്എ ഓഡിറ്റോറിയത്തിൽ ഞായറാഴ്ചയാണ് സംഭവം. രാവിലെ കല്യാണസമയത്ത് തുടങ്ങിയ പ്രശ്നമാണ് വൈകിട്ട് കൂട്ടയടിയിൽ കലാശിച്ചത്.

കല്യാണ വിരുന്നിനിടെ പെൺവീട്ടുകാർ ഐസ്‌ക്രീം ചോദിച്ചപ്പോൾ നൽകാത്തതിന് പിന്നാലെയാണ് അടി ഉണ്ടായത്. ഐസ്‌ക്രീം ആവശ്യപ്പെട്ടപ്പോൾ തീർന്നുവെന്ന് കാറ്ററിങ്ങുകാർ പറഞ്ഞതിന് പിന്നാലെ ബോക്‌സ് തുറന്ന് ഐസ്‌ക്രീം എടുക്കാൻ പെൺവീട്ടുകാർ ശ്രമിച്ചതോടെയാണ് അടി തുടങ്ങിയത്.

പ്രശ്‌നത്തിൽ നാട്ടുകാർ കൂടി ഇടപെട്ടതോടെ കൂട്ടയടിയായി. സംഭവത്തിൽ ഒരാളെ ഇരവിപുരം പോലീസ് കസ്റ്റഡിയിൽ എടുത്ത ശേഷം വിട്ടയച്ചു. സംഭവത്തിൽ ഇതുവരെയും കേസ് രജിസ്റ്റർ ചെയ്തിട്ടില്ല.