പനമരം ജി.എച്ച്.എസ്.എസ്സിൽ സ്വാതന്ത്ര്യദിനാഘോഷം വർണാഭമായി; വിപുലമായ പരിപാടികളോടെ 80-ാം സ്വാതന്ത്ര്യദിനം ആചരിച്ചു ​

പനമരം: രാജ്യത്തിന്റെ 80-ാമത് സ്വാതന്ത്ര്യദിനാഘോഷം പനമരം ഗവൺമെൻറ് ഹയർ സെക്കൻഡറി സ്കൂളിൽ വിവിധ പരിപാടികളോടെ വർണാഭമായി ആചരിച്ചു.​ ചടങ്ങിൽ പിടിഎ പ്രസിഡന്റ് കെ.ടി. സുബൈർ ദേശീയപതാക ഉയർത്തി സ്വാതന്ത്ര്യദിന സന്ദേശം നൽകി. സ്വാതന്ത്ര്യസമര സേനാനികളുടെ ത്യാഗസ്മരണകൾ പുതുക്കാനും രാജ്യത്തിന്റെ പുരോഗതിക്കായി ഒന്നിച്ചുനിൽക്കാനും അദ്ദേഹം ആഹ്വാനം ചെയ്തു.

​സ്കൂൾ പ്രിൻസിപ്പാൾ രമേഷ് കുമാർ എം, ഹെഡ്മിസ്ട്രസ് ഷീജ ജെയിംസ് എന്നിവർ ചടങ്ങുകൾക്ക് നേതൃത്വം നൽകി. എസ്.എം.സി ചെയർമാൻ റഫീക്ക്, മുനീർ ഒ.പി, അസീസ് മാനിവയൽ എന്നിവരും അധ്യാപകരും ചടങ്ങിൽ ആശംസകൾ നേർന്നു സംസാരിച്ചു.