കൊട്ടിയൂർ - വയനാട് ചുരം രഹിത പാത: കേളകത്ത് ജനപ്രതിനിധികളുടെ അവലോകന യോഗം ചേർന്നു

​

കേളകം: കൊട്ടിയൂർ വഴി വയനാട്ടിലേക്ക് ചുരം ഇല്ലാത്ത പുതിയ ബദൽ പാത യാഥാർത്ഥ്യമാക്കുന്നതിനായുള്ള പ്രാരംഭ പ്രവർത്തനങ്ങളുടെ ഭാഗമായി കേളകം പ്രസ് ഫോറം മീഡിയ സെന്ററിൽ ജനപ്രതിനിധികളുടെയും ഭാരവാഹികളുടെയും അവലോകന യോഗം ചേർന്നു.

​ പേരാവൂർ ബ്ലോക്ക് പഞ്ചായത്ത് പ്രസിഡന്റ് ഇന്ദിര ശ്രീധരൻ  അധ്യക്ഷത വഹിച്ചു. മാനന്തവാടി ബ്ലോക്ക് പഞ്ചായത്ത് പ്രസിഡന്റ് മീനാക്ഷി രാമൻ  ഉദ്ഘാടനം ചെയ്തു. പ്രസ് ഫോറം ഭാരവാഹിയായ കെ.എം. അബ്ദുൾ അസീസ് സ്വാഗതം ആശംസിച്ച ചടങ്ങിൽ ജോയി ജോസഫ് ആമുഖ പ്രഭാഷണം നടത്തി.

​താമരശ്ശേരി, പാൽ ചുരം - ബോയ്സ് ടൗൺ, നിടും പൊയിൽ - പേരിയ  ചുരങ്ങളിലെ  ഗതാഗതക്കുരുക്കിന് ശാശ്വത പരിഹാരമായി കൊട്ടിയൂർ - 44-ാം മൈൽ തലപ്പുഴ വഴി വയനാട്ടിലേക്ക് നിർദ്ദേശിക്കപ്പെടുന്ന പുതിയ ബദൽ പാത മലയോര മേഖലയുടെ വികസനത്തിന് അത്യാവശ്യമാണെന്ന് യോഗം വിലയിരുത്തി. നിർദ്ദിഷ്ട പാതയുമായി ബന്ധപ്പെട്ട തുടർന്നുള്ള പ്രവർത്തനങ്ങൾ വേഗത്തിലാക്കാനും യോഗത്തിൽ തീരുമാനമായി.

​ചടങ്ങിൽ വിവിധ ജനപ്രതിനിധികളും പ്രമുഖ വ്യക്തികളും ആശംസകൾ അറിയിച്ചു സംസാരിച്ചു: പഞ്ചായത്ത് പ്രസിഡണ്ടുമായ ലിസ്സി ജോസഫ് (കേളകം), എം.ജി. ബിജു (തവിഞ്ഞാൽ,ഡോ. ത്രേസ്യാ പോൾ (കണിച്ചാർ), ​സിസിലി കണ്ണത്താനം (കൊട്ടിയൂർ), ബ്ലോക്ക് മെമ്പമാരായ  ജെയ്ഷ ബിജു,

​ജോണി പാമ്പാടി, പഞ്ചായത്ത് വൈസ് പ്രസിഡണ്ട് ​അഡ്വ. ബിജു ചാക്കോ, മലയോര ജനകീയ വികസന സമിതി ഭാരവാഹികളായ പി.തങ്കപ്പൻ മാസ്റ്റർ, ജോർജ്കുട്ടി വാളു വെട്ടിക്കൽ, ബിജു ഓളാട്ട്പുറം ,

വ്യാപാരി സംഘടന നേതാക്കളായ സ്റ്റാനിസ്ലാവോസ് തട്ടാ പറമ്പിൽ, എം.എസ്.തങ്കച്ചൻ, കെ.പി.ഷാജി , പ്രസ് ഫോറം ഭാരവാഹികളായ  ​​എം.ജെ. റോബിൻ, വിപിൻ ജോസഫ്, ഷെറിൻ ഫിലിപ്പ്, സജീവ് നായർ എന്നിവർ  സംസാരിച്ചു.