ഡൽഹി ഉൾപ്പെടെയുള്ള ഉത്തരേന്ത്യൻ സംസ്ഥാനങ്ങളിൽ ശൈത്യതരംഗം അതിരൂക്ഷമാകുന്നു. ഡൽഹിയിൽ കുറഞ്ഞ താപനില 2.9 ഡിഗ്രി സെൽഷ്യസ് വരെ താഴുകയും രാജസ്ഥാൻ, ഉത്തർപ്രദേശ്, ഹരിയാന തുടങ്ങിയ സംസ്ഥാനങ്ങളിൽ കഠിനമായ തണുപ്പ് അനുഭവപ്പെടുകയും ചെയ്യുന്നുണ്ട്. ശൈത്യം കടുക്കുന്ന സാഹചര്യത്തിൽ വിദ്യാഭ്യാസ സ്ഥാപനങ്ങൾക്ക് അവധി നൽകുന്ന കാര്യം സർക്കാരിന്റെ പരിഗണനയിലാണ്.
തണുപ്പിനൊപ്പം വായുമലിനീകരണം വർധിച്ചത് ഡൽഹിയിൽ പുകമഞ്ഞ് രൂക്ഷമാകാൻ കാരണമായിട്ടുണ്ട്. ദൃശ്യപരത കുറഞ്ഞതിനെത്തുടർന്ന് വിമാനത്താവളത്തിൽ നിരവധി സർവീസുകൾ വൈകുകയും ജനജീവിതം ദുസ്സഹമാവുകയും ചെയ്തു. വായു ഗുണനിലവാരം നിലവിൽ ‘വളരെ മോശം’ വിഭാഗത്തിലാണ് തുടരുന്നത്.
0 Comments