‘ഷാഫി പറമ്പിലിനെതിരെ കെകെ ശൈലജ മോശം പ്രചാരണം നടത്തി’; ആരോപണവുമായി കെ മുരളീധരൻ

കോഴിക്കോട്  :വടകരയിൽ എൽഡിഎഫ് സ്ഥാനാർത്ഥി കെ കെ ശൈലജയ്ക്കെതിരെ വിമർശനവുമായി കെ മുരളീധരൻ. വടകരയിൽ കെകെ ശൈലജ പക്വത കാണിച്ചില്ല. ഷാഫി പറമ്പിലിനെതിരെ മോശം പ്രചാരണം നടത്തി എന്ന് മുരളീധരൻ ആരോപിച്ചു. സ്വാഭാവികമായും ഷാഫി പറമ്പിലിന് തിരിച്ചു പറയേണ്ടി വന്നുവെന്നും അദ്ദേഹം പറഞ്ഞു.  കോഴിക്കോട് എം കെ രാഘവനെതിരെ പ്രവർത്തിച്ചവർക്കെതിരെ നടപടി ഉണ്ടാകുമെന്നും കെ മുരളീധരൻ വ്യക്തമാക്കി. അതേസമയം, പൊന്നാനിയിൽ മുസ്ലിം ലീഗ് വോട്ടുകളിൽ അടിയൊഴുക്ക് ഉണ്ടായിട്ടില്ലെന്ന് സാദിക്കലി ശിഹാബ് തങ്ങളും പ്രതികരിച്ചു.