ഓപ്പറേഷൻ സിന്ധു: ഇറാനിൽ നിന്നും തിരിച്ചെത്തിയത് 3426 പേർ, ഇസ്രയേലിൽ നിന്ന് 818 പേർ

 ദില്ലി: ഓപ്പറേഷൻ സിന്ധുവിന്റെ ഭാഗമായി ഇറാനിൽ നിന്ന് ഇതുവരെ നാടണഞ്ഞത് 3500 റോളം പേർ. 14 വിമാനങ്ങളിലായി 3426 ഇന്ത്യക്കാരെയാണ് ഒഴിപ്പിച്ചത്. ഇന്ന് ഒരു വിമാനം വൈകീട്ടെത്തും. ഇതോടെ ഇറാനിൽ നിന്നും മടങ്ങാൻ താല്പര്യം അറിയിച്ചവരെയെല്ലാം ഒഴിപ്പിച്ചു. ഇസ്രയേലിൽ നിന്നും ഇതുവരെ 4 വിമാനങ്ങളിലായി 818 പേരെയും ഒഴിപ്പിച്ചു. ഓപ്പറേഷൻ സിന്ധുവിനോട് സഹകരിച്ച ഇറാൻ, അർമേനിയ, ജോർദാൻ, തുർക്കുമെനിസ്ഥാൻ, ഈജിപ്ത് രാജ്യങ്ങളോട് ഇന്ത്യ നന്ദി അറിയിച്ചു. ഇസ്രയേൽ- ഇറാൻ സ്ഥിതി പരിശോധിച്ച് സാഹചര്യം നോക്കി ഓപ്പറേഷൻ സിന്ധു തുടരണോ എന്ന തീരുമാനമെടുക്കും.