ഹയർ സെക്കണ്ടറി വിദ്യാർത്ഥികൾക്ക് പൊടിയരിക്കഞ്ഞി വിതരണം ചെയ്തു

വാളാട്: വാളാട് ഗവൺമെൻ്റ്  ഹയർ സെക്കണ്ടറി  സ്കുളിലെ  വിദ്യാർത്ഥികൾക്ക്  പൊടിയരിക്കഞ്ഞി വിതരണം ചെയ്തു. തവിഞ്ഞാൽ പഞ്ചായത്ത് അംഗം ശ്രീലത കൃഷ്ണൻ പരിപാടി ഉദ്ഘാടനം ചെയ്തു.  പി.ടി.എ പ്രസിഡണ്ട് അസീസ് വാളാട്  അധ്യക്ഷത വഹിച്ചു. പ്രിൻസിപ്പാൾ രാജീവൻ പുതിയേടത്ത്, ജാഫർ  എന്നിവർ നേതൃത്വം നൽകി. എൻ എസ് എസ് വളണ്ടിയർമാർ കഞ്ഞി വിതരണം ചെയ്തു. അഞ്ച് കിലോമീറ്ററിലധികം നടന്ന് സ്കൂളിലെത്തുന്ന വിദ്യാർത്ഥികൾ സ്കൂളിലുണ്ട് എന്ന തിരിച്ചറിവാണ് സ്കൂൾ അധികൃതരെ  കഞ്ഞി വിതരണത്തിലേക്ക് നയിച്ചത്.