ലോക ഒളിമ്പിക് ദിനാഘോഷങ്ങളുടെ ഭാഗമായി സുൽത്താൻ ബത്തേരിയിൽ വെച്ച് നടക്കുന്ന ജില്ലാ തല ഒളിമ്പിക് വാക്കത്തോണിൻ്റെ സംഘാടക സമിതി രൂപീകരിച്ചു

 

സുൽത്താൻ ബത്തേരി: ലോക ഒളിമ്പിക് ദിനാഘോഷങ്ങളുടെ ഭാഗമായി സുൽത്താൻ ബത്തേരിയിൽ വെച്ച് നടക്കുന്ന ജില്ലാ തല ഒളിമ്പിക് വാക്കത്തോണിൻ്റെ സംഘാടക സമിതി രൂപീകരിച്ചു. ജില്ലയിലെ വിവിധ മേഖലയിലെ ആളുകളെ പങ്കെടുപ്പിച്ച് ജൂൺ 23 ന് സുൽത്താൻ ബത്തേരി ട്രാഫിക് ജംഗ്ഷനിൽ നിന്നും സുൽത്താൻ ബത്തേരി മുനിസിപ്പാലിറ്റി വരെ വാക്കത്തോൺ നടത്താൻ  തീരുമാനിച്ചു. ബത്തേരി മുനിസിപ്പൽ ചെയർമാൻ ടി.കെ രമേശ് ഉത്ഘാടനം ചെയ്തു. സ്പോർട്സ് കൗൺസിൽ പ്രസിഡണ്ട് എം. മധു അദ്ധ്യക്ഷത വഹിച്ചു.   എൽസി മാത്യു,  ടോം ജോസഫ്,  സുബൈർ ഇളകുളം, എൽ.എ സോളമൻ  ,മഥൻലാൽ, ഷിജു കുറുമ്പേ മഠം,  സലീം കടവൻ  എന്നിവർ സംസാരിച്ചു. പരിപാടിയുടെ വിജയത്തിനായി

101 അംഗ സംഘാടക സമിതി രൂപീകരിച്ചു.ഭാരവാഹികളായി  ഐസി , ബാലകൃഷ്ണൻ എം.എൽ.എ, ജില്ലാ പഞ്ചായത്ത്  പ്രസിഡന്റ് സംഷാദ് മരക്കാർ,  സുൽത്താൻബത്തേരി ബ്ലോക്ക് പഞ്ചായത്ത് പ്രസിഡണ്ട്  അസൈനാർ, സ്പോർട്സ് കൗൺസിൽ, പ്രസിഡണ്ട് എം. മധു, ഒളിമ്പിക് അസോസിയേഷൻ  പ്രസിഡണ്ട്  ഗോപകുമാർ വർമ്മ 

സംഘാടക സമിതി ചെയർമാനായി  ബത്തേരി  മുനിസിപ്പാലിറ്റി ചെയർമാൻ  ടി.കെ രമേശ്, ജനറൽ കൺവീനറായി  സലീം കടവൻ സെക്രട്ടറി ഒളിമ്പിക് അസോസിയേഷൻ എന്നിവരെ തിരഞ്ഞെടുത്തു .