ജില്ലയിൽ ശക്തമായ മഴ തുടരുന്നു, കല്ലൂര്‍ പുഴ കരകവിഞ്ഞു, ആളുകളെ ക്യാമ്പുകളിലേക്ക് മാറ്റി

 

വയനാട് ജില്ലയിൽ ശക്തമായ മഴ തുടരുന്നു. തുടര്‍ച്ചയായ മഴയെ തുടർന്ന് കല്ലൂർപുഴ കരകവിഞ്ഞതോടെ പുഴംകുനി പ്രദേശത്ത് വെള്ളം കയറി. പരിസരവാസികളായ കുടുംബങ്ങളെ സുരക്ഷിതമായ കേന്ദ്രങ്ങളിലേക്ക് മാറ്റാനുള്ള നടപടി അധികൃതർ കൈക്കരിച്ചു.

മുൻകരുതലിന്റെ ഭാഗമായി കുട്ടികളടക്കം എട്ട് പേരെ തിരുവണ്ണൂർ അംഗനവാടിയിലേക്ക് മാറ്റിയിട്ടുണ്ട്. ശേഷിക്കുന്നവരെയും  മാറ്റും. രാത്രി പതിനൊന്നരയോടെ നൂല്‍പ്പുഴ പഞ്ചായത്ത് അധികൃതരും പൊലീസും ചേർന്നാണ് മാറ്റാനായത്.അതേസമയം, ശക്തമായ മഴയെ തുടർന്ന് വിദ്യാഭ്യാസ രംഗത്തും ബാധകമായ മാറ്റങ്ങളുണ്ട്. കണ്ണൂർ ഇരിട്ടി താലൂക്കിലെ മുഴുവൻ വിദ്യാഭ്യാസ സ്ഥാപനങ്ങള്‍ക്കും ഇടുക്കി, വയനാട്, തൃശ്ശൂർ എന്നീ ജില്ലകളിലെ സ്കൂളുകള്‍ക്കും ഇന്ന് അവധി പ്രഖ്യാപിച്ചു. പ്രൊഫഷണൽ കോളേജുകൾക്കും അവധി ബാധകമാണ്. എന്നാല്‍ കേരളം, ലക്ഷദ്വീപ്, ഗൾഫ് മേഖലകളിൽ നടക്കാനിരിക്കുന്ന ഹയർ സെക്കണ്ടറി, വൊക്കേഷണൽ ഹയർ സെക്കണ്ടറി സെ, ഇംപ്രൂവ്മെന്റ് പരീക്ഷകൾ യഥാസമയം നടക്കുമെന്ന് പൊതുവിദ്യാഭ്യാസ ഡയറക്ടർ അറിയിച്ചു.