തിരുവനന്തപുരം: വാഹനാപകടത്തിൽ മസ്തിഷ്ക മരണം സംഭവിച്ച ഷിബുവിന്റെ ഹൃദയവുമായി എയർ ആംബുലൻസ് തിരുവനന്തപുരത്ത് നിന്നും കൊച്ചിയിലേക്ക് പുറപ്പെട്ടു. കൊച്ചി ജനറൽ ആശുപത്രിയിലാണ് ഹൃദയ ശസ്ത്രക്രിയ നടക്കുക. കൊല്ലം ഇടവട്ടം ചിറക്കൽ സ്വദേശി ഷിബുവിന്റെ (47) ഹൃദയമാണ് എറണാകുളം ജനറൽ ആശുപത്രിയിലേക്ക് കൊണ്ടുപോകുന്നത്. നേപ്പാള് സ്വദേശി ദുര്ഗയ്ക്കാണ് ഹൃദയം മാറ്റിവെയ്ക്കുന്നത്.
ഇന്ത്യയില് തന്നെ ആദ്യമായാണ് ഒരു ജില്ലാ ആശുപത്രിയില് ഹൃദയം മാറ്റിവെക്കല് ശസ്ത്രക്രിയ നടത്തുന്നത്. 45 മിനിറ്റില് ഹെലിക്കോപ്റ്റര് കൊച്ചിയിലെത്തും. ഉടന് തന്നെ ശസ്ത്രക്രിയ നടത്തുമെന്നാണ് സൂചന.
ഷിബുവിന്റെ രണ്ട് വൃക്കകൾ, കരൾ, ഹൃദയം, രണ്ട് നേത്ര പടലങ്ങൾ, സ്കിൻ ഹാർട്ട് വാൽവ്, നേത്രപടലങ്ങൾ എന്നിവ രോഗികൾക്ക് കൈമാറാനായി സൂക്ഷിച്ച് വെക്കും. ഒരു കിഡ്നിയും പാൻക്രിയാസും രോഗിക്ക് യോജിക്കാത്തതിനാൽ ഉപയോഗിക്കാനായില്ല.
0 Comments