കള്ളാടി ദുരന്തം; മഴ മുന്നറിയിപ്പുണ്ടായിട്ടും വയനാട്ടില്‍ മുന്നൊരുക്കങ്ങള്‍ നടത്തുന്നതില്‍ സര്‍ക്കാരിന് വീഴ്ചയുണ്ടായി: പ്രതിപക്ഷ നേതാവ്

കല്‍പ്പറ്റ: ശക്തമായ മഴ മുന്നറിയിപ്പുണ്ടായിട്ടും വയനാട്ടില്‍ മുന്നൊരുക്കങ്ങള്‍ നടത്തുന്നതില്‍ സംസ്ഥാന സര്‍ക്കാരിന് വീഴ്ച സംഭവിച്ചതായി പ്രതിപക്ഷ നേതാവ് പിണറായി വിജയന്‍. ഇത് ഗൗരവമായി കാണേണ്ട വിഷയമാണെന്നും പിണറായി വിജയന്‍ പറഞ്ഞു. ദുരന്തമേഖലയും ദുരിതാശ്വാസ ക്യാമ്പും സന്ദര്‍ശിച്ച ശേഷം വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.

ക്യാമ്പില്‍ പലര്‍ക്കും വസ്ത്രമില്ലെന്നും വന്ന വസ്ത്രത്തില്‍ തന്നെയാണ് പലരും കഴിയുന്നതെന്നും പ്രതിപക്ഷ നേതാവ് പറഞ്ഞു. സര്‍ക്കാരിന്റെ പ്രവര്‍ത്തനങ്ങള്‍ക്ക് പ്രതിപക്ഷം പിന്തുണ അറിയിച്ചതാണെന്നും അദ്ദേഹം കൂട്ടിച്ചേര്‍ത്തു.

246 MM-ല്‍ അധികം മഴയാണ് മേഖലയില്‍ ലഭിച്ചത്. എന്നാല്‍ മഴ മുന്നറിയിപ്പില്‍ യെല്ലോ അലര്‍ട്ട് മാത്രമാണുണ്ടായത്. ജനങ്ങളുടെ സുരക്ഷക്ക് വേണ്ട മുന്‍കരുതല്‍ എടുത്തില്ല. ശക്തമായ മഴ ഉണ്ടായിട്ടും മുന്നറിയിപ്പ് നല്‍കാത്തത് ഗുരുതരമായ വീഴ്ചയാണ്.

ദുരന്തം നടന്നതിന് ശേഷം സര്‍ക്കാരും ബന്ധപ്പെട്ടവരും പുറത്തിറങ്ങിയിട്ടുണ്ട്. റെഡ് അലര്‍ട്ട് പ്രഖ്യാപിച്ചത് ദുരന്തത്തിന് ശേഷമാണെന്നാണ് വാര്‍ത്തകളില്‍ ചൂണ്ടിക്കാട്ടുന്നത്. കൂട്ടിയിട്ട മണ്ണിന്റെ മുകളിലൂടെ വെള്ളം വന്നിരുന്നെങ്കില്‍ സ്ഥിതി എന്താകുമായിരുന്നുവെന്നും പ്രതിപക്ഷ നേതാവ് ചോദിച്ചു.

സര്‍ക്കാരും ബന്ധപ്പെട്ടവരും മണ്ണ് നീക്കുന്നതിന് ആവശ്യമായ നടപടിയെടുത്തില്ലെന്നും അദ്ദേഹം വിമര്‍ശിച്ചു. സര്‍ക്കാരിന്റെ നിര്‍ദേശം പാലിക്കപ്പെട്ടില്ലെന്നും പ്രതിപക്ഷ നേതാവ് ചൂണ്ടിക്കാട്ടി.

അപകടകരമായ മണ്ണ് നീക്കം ചെയ്യാന്‍ യോഗം ചേര്‍ന്ന് തീരുമാനിച്ചിരുന്നു. പക്ഷേ നിര്‍ദേശങ്ങള്‍ നടപ്പാക്കാന്‍ സര്‍ക്കാര്‍ തലത്തില്‍ നടപടി സ്വീകരിച്ചില്ല. ജൂണ്‍ 25ന് പിഡബ്ല്യൂഡി സെക്രട്ടറിയും മറ്റുള്ളവരും സ്ഥലം സന്ദര്‍ശിച്ചിരുന്നതായും അദ്ദേഹം ചൂണ്ടിക്കാട്ടി.

മീനാക്ഷി പാലത്തിന് സമീപം താമസിക്കുന്ന കുടുംബങ്ങളെ മാറ്റി പാര്‍പ്പിക്കണമെന്ന നിര്‍ദേശമുണ്ടായിട്ടും ഒരു നടപടിയും സ്വീകരിച്ചില്ല. അടിയന്തര നടപടികള്‍ സ്വീകരിക്കുന്നതില്‍ വീഴ്ച ഉണ്ടായി. ഏകോപനത്തില്‍ കാലതാമസം ഉണ്ടായി. മന്ത്രിമാരും വകുപ്പുകളും തമ്മിലുള്ള ഏകോപനത്തില്‍ പ്രശ്‌നങ്ങളുണ്ടായെന്നും അദ്ദേഹം പറഞ്ഞു.

മണ്ണ് മാറ്റാത്തതാണ് അപകടത്തിന്റെ കാരണമെന്ന് മുഖ്യമന്ത്രിയും മന്ത്രിമാരും പറഞ്ഞു. ഇത്തരമൊരു പ്രശ്‌നം ഇവിടെ ഉണ്ടാകുമെന്ന് വിലയിരുത്തിയിട്ടും സര്‍ക്കാര്‍ തലത്തില്‍ നടപടി ഉണ്ടായില്ല. ഇത് കുറ്റകരമായ അനാസ്ഥയാണെന്നും പ്രതിപക്ഷ നേതാവ് പിണറായി വിജയന്‍ മാധ്യമങ്ങളോട് പറഞ്ഞു.

അപകടം അന്വേഷിക്കുമെന്നാണ് മുഖ്യമന്ത്രി വി.ഡി സതീശന്‍ പറഞ്ഞത്. അത് നല്ല കാര്യമാണ്. എന്നാല്‍ ജനങ്ങളെ തെറ്റിദ്ധരിപ്പിക്കാന്‍ ശ്രമിക്കരുതെന്നും അദ്ദേഹം കൂട്ടിച്ചേര്‍ത്തു.