എടത്തൊട്ടി ഡി പോൾ കോളേജിൽ 'സേവ് എനർജി, സേവ് ഫ്യൂച്ചർ' പദ്ധതിക്ക് തുടക്കമായി

​എടത്തൊട്ടി: വൈദ്യുതി ഉപഭോഗം കുറയ്ക്കുന്നതിനും ഊർജ്ജ സംരക്ഷണ സന്ദേശം ജനങ്ങളിലെത്തിക്കുന്നതിനുമായി എടത്തൊട്ടി ഡി പോൾ ആർട്ട്സ് ആൻ്റ് സയൻസ് കോളേജ് എൻഎസ്എസ് യൂണിറ്റ് 41-ൻ്റെ നേതൃത്വത്തിൽ 'സേവ് എനർജി, സേവ് ഫ്യൂച്ചർ'പദ്ധതിക്ക് തുടക്കമായി. കൊട്ടിയൂർ ഗ്രാമപഞ്ചായത്ത് വൈസ് പ്രസിഡന്റ്റോയ് നമ്പുടാകത്തിന് പ്രൊജക്റ്റ് രേഖ കൈമാറി വൈദ്യുതി വകുപ്പ് മന്ത്രി അഡ്വ. സണ്ണി ജോസഫ് പദ്ധതി ഉദ്ഘാടനം ചെയ്തു.  

​കൊട്ടിയൂർ പഞ്ചായത്തിലെ ഒന്നും രണ്ടും വാർഡുകളിലെ വീടുകളിൽ എൻ.എസ്.എസ് വാളണ്ടിയർമാർ നേരിട്ടെത്തി ബോധവൽക്കരണം നടത്തും. തുടർച്ചയായ നിരീക്ഷണത്തിലൂടെയും നിർദ്ദേശങ്ങളിലൂടെയും ഗാർഹിക മേഖലയിലെ വൈദ്യുതി ഉപയോഗം നിയന്ത്രിക്കുകയാണ് പദ്ധതിയുടെ പ്രധാന ലക്ഷ്യം. കോളേജ് എൻ.എസ്.എസിന്റെ ഈ മാതൃകാപരമായ പദ്ധതിക്ക് വൈദ്യുത മന്ത്രി അഡ്വ. സണ്ണി ജോസഫും സർവ്വകലാശാലാ എൻ എസ് എസ് വിഭാഗവും പൂർണ്ണ പിന്തുണ പ്രഖ്യാപിച്ചു.  ചടങ്ങിൽ കോളേജ് മാനേജർ ഫാ. ജോർജ് പൊട്ടയിൽ, പ്രിൻസിപ്പൽ ഫാ  ഡോ. പീറ്റർ വർഗ്ഗീസ്, എൻ എസ് എസ്  പ്രോഗ്രാം ഓഫീസർ തോമസ് പോൾ തുടങ്ങിയവർ പങ്കെടുത്തു.