ന്യൂഡല്ഹി: ലോക്സഭ പ്രതിപക്ഷ നേതാവ് രാഹുല് ഗാന്ധിയുടെ നേതൃത്വത്തില് അഞ്ച് മണിക്കൂറോളം നീണ്ട പ്രതിഷേധത്തിന് മുന്നില് ഡല്ഹി പൊലീസ് മുട്ടുമടക്കി. ജന്തര്മന്തറിലെ വിദ്യാര്ഥി പ്രക്ഷോഭത്തിനിടെയുണ്ടായ പെല്ലറ്റ് ആക്രമണത്തില് എഫ്ഐആര് രജിസ്റ്റര് ചെയ്തു. തിരിച്ചറിയാത്ത ആളുകള്ക്കെതിരെയാണ് എഫ്ഐആര്.
പെല്ലറ്റ് ആക്രമണത്തില് പരിക്കേറ്റ വിദ്യാര്ഥിക്കൊപ്പം രാഹുല് ഗാന്ധി പാര്ലമെന്റ് സ്ട്രീറ്റ് പൊലീസ് സ്റ്റേഷനിലെത്തി കേസെടുക്കാന് ആവശ്യപ്പെട്ടിരുന്നു. എന്നാല്, പൊലീസ് കേസെടുക്കാന് തയ്യാറായില്ല. തുടര്ന്നാണ് കേസെടുക്കാതെ തിരിച്ചുപോകില്ലെന്ന് പ്രഖ്യാപിച്ച് രാഹുല് ഗാന്ധി സ്റ്റേഷന് പുറത്ത് പ്രതിഷേധം ആരംഭിച്ചത്. പ്രതിഷേധം അഞ്ച് മണിക്കൂര് പിന്നിട്ടപ്പോഴാണ് പൊലീസ് എഫ്ഐആര് രജിസ്റ്റര് ചെയ്യാന് തയ്യാറായത്. പ്രിയങ്ക ഗാന്ധിയടക്കമുള്ള കോണ്ഗ്രസ് നേതാക്കളും സ്ഥലത്ത് എത്തിയിരുന്നു
%20(1).jpg)
%20(1).jpg)
%20(1).jpg)
0 Comments