കൊട്ടിയൂരിൽ ക്ഷേത്രദർശനത്തിനെത്തി ബാവലിപ്പുഴയിൽ കാണാതായ യുവാവിന്റെ മൃതദേഹം കണ്ടെത്തി

കൊട്ടിയൂർ: കൊട്ടിയൂരിൽ ക്ഷേത്രദർശനത്തിനെത്തി ബാവലിപ്പുഴയിൽ കാണാതായ യുവാവിന്റെ   മൃതദേഹം കണ്ടെത്തി. ബാവലിപ്പുഴയുടെ ഭാഗമായ ആറളം ഫാം ചപ്പാത്തിന് സമീപത്തായാണ് പുഴയിൽ നിന്നും കാഞ്ഞങ്ങാട് ചാമുണ്ഡികുന്ന് സ്വദേശി അഭിജിത്തിന്റെ (23) മൃതദേഹം കണ്ടെത്തിയത്. പേരാവൂരിൽ നിന്നെത്തിയ ഫയർഫോഴ്‌സാണ്  പുഴയിൽ നിന്നും മൃതദേഹം കരക്കെത്തിച്ചത്. പോലീസ് സ്ഥലത്തെത്തി ഇൻക്വസ്റ്റ് നടത്തും. കൊട്ടിയൂരിൽ കാണാതായ രണ്ടു പേരിൽ ഒരാളായ കോഴിക്കോട് സ്വദേശി നിഷാദിന്റെ മൃതദേഹം ഇന്നലെ കണ്ടെത്തിയിരുന്നു.