ഇരിട്ടിയിലെ മന്തി റെസ്റ്റോറന്റ്റിൽ രേഖകളില്ലാതെ ജോലി ചെയ്തിരുന്ന യെമൻ പൗരൻ അറസ്റ്റിൽ

 

ഇരിട്ടി : ഇരിട്ടിയിലെ മന്തി റെസ്റ്റോറന്റ്റിൽ  വേണ്ടത്ര രേഖകളില്ലാതെ ജോലി ചെയ്തിരുന്ന യെമൻ പൗരൻ തമാം അലവി അൽ മഹേൽ (21)നെ നെടുമ്പാശ്ശേരി എയർപോർട്ടിൻ്റെ സമീപത്തു വെച്ച് കണ്ണൂർ റൂറൽ ജില്ലാ പോലീസ് മേധാവിയുടെ നിർദേശ പ്രകാരം ഇരിട്ടി എസ് ഐ ഷറഫുദ്ധീനും സംഘവും അറസ്റ്റ് ചെയ്‌തു.

വിദേശ പൗരൻ ആയിട്ടും വിസയുടെയും പാസ്പോർട്ടിന്റെയും കാലാവധി കഴിഞ്ഞിട്ടും അനധികൃതമായി ആണ് ഇയാൾ ജോലി ചെയ്തുതു വന്നിരുന്നത്. 2022 -ൽ തന്നെ ഇയാളുടെ രേഖകളുടെ കാലാവധി തീർന്നിരുന്നു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.