മന്ത്രി കെ.എം. ഷാജിക്കെതിരേ അധിക്ഷേപ പരാമർശം, പോലീസ് ഉദ്യോഗസ്ഥന് സസ്‌പെൻഷൻ

കാസർകോട്: മന്ത്രി കെ.എം. ഷാജിയെ സാമൂഹികമാധ്യമത്തിലൂടെ ആക്ഷേപിച്ച പോലീസ് ഉദ്യോഗസ്ഥന് സസ്‌പെൻഷൻ. കാസർകോട് ജില്ലയിലെ വെള്ളരിക്കുണ്ട് പോലീസ് സ്‌റ്റേഷനിലെ സിപിഒ സുജിത്തിനെതിരേയാണ് നടപടി.

കാസർകോട് ജില്ലയിലെ 'പോലീസ് ഫ്രണ്ട്‌സ്' എന്ന വാട്​സാപ്പ് ഗ്രൂപ്പിലായിരുന്നു സുജിത്തിന്റെ വിവാദസന്ദേശം. ഡിവൈഎസ്പിമാർ ഉൾപ്പെടെ അംഗങ്ങളായുള്ള ഗ്രൂപ്പ് ആയിരുന്നു ഇത്.

ആദ്യം സാമൂഹികമാധ്യമത്തിൽ പങ്കുവെച്ച കുറിപ്പ് സുജിത്ത് പിന്നീട് വാട്​സാപ്പ് ഗ്രൂപ്പിലേക്കും പങ്കുവെക്കുകയായിരുന്നു. ഗ്രൂപ്പുകളിലെ അഡ്മിൻമാർ ഇത് നീക്കം ചെയ്യാൻ ശ്രമിച്ചുവെങ്കിലും പൂർണമായി ഫലം കണ്ടില്ല.പിന്നീട് പരാതി ഉയരുകയും വകുപ്പുതല നടപടിയിലേക്ക് കടക്കുകയുമായിരുന്നു.