സ്വർണവിലയിൽ ഇന്ന് വീണ്ടും വർധന; ഒരു പവന്‍റെ വില 1.04 ലക്ഷം കടന്നു

 

കോഴിക്കോട്: സംസ്ഥാനത്ത് സ്വർണവിലയിൽ വീണ്ടും വർധന. പവന് 1080 രൂപ വർധിച്ച് 1,04,320 രൂപയായി. ഗ്രാമിന് 135 രൂപ വർധിച്ച് 13,040 രൂപയുമായി. നേരത്തെ, ഇന്ന് രാവിലെ ഗ്രാമിന് 115 രൂപയും പവന് 920 രൂപയും കൂടിയിരുന്നു. ഇത് കൂടാതെയാണ് വൈകിട്ട് വീണ്ടും വർധന രേഖപ്പെടുത്തിയിരിക്കുന്നത്.

സംസ്ഥാനത്ത് ഇന്നലെ സ്വർണവിലയിൽ വൻ കയറ്റിറക്കങ്ങളാണ് റിപ്പോർട്ട് ചെയ്യപ്പെട്ടിരുന്നത്. ഇന്നലെ രാവിലെ 165 രൂപ കുറയുകയും വൈകീട്ട് 175 രൂപ കൂടുകയും ചെയ്തിരുന്നു. ഇതിന് പുറമെ, അന്താരാഷ്ട്ര വിപണിയിൽ സ്പോട്ട് ഗോൾഡിന് ട്രോയ് ഔൺസിന് 49.37 ഡോളർ കുറവും രേഖപ്പെടുത്തുകയുണ്ടായി. 1.23 ശതമാനം കുറഞ്ഞ് 3,975.91 ഡോളറാണ് ഏറ്റവും ഒടുവിൽ പുറത്തുവന്ന വില.