കൊച്ചി: നടന് സലിംകുമാര് (56) അന്തരിച്ചു. ആരോഗ്യനില വഷളായതിനെ തുടര്ന്ന് കൊച്ചിയിലെ സ്വകാര്യ ആശുപത്രിയില് വെന്റിലേറ്ററില് കഴിയവേയാണ് അന്ത്യം. കരള് സംബന്ധമായ അസുഖത്തിന് ഏറെക്കാലമായി ചികിത്സ തേടുന്നുണ്ടായിരുന്നു. വെന്റിലേറ്ററില് കഴിയവേ ഹൃദയാഘാതം സംഭവിക്കുകയായിരുന്നു. സംസ്കാരം നാളെ വൈകീട്ട് നടക്കും.
സലിംകുമാര് തന്റെ മിമിക്രി ജീവിതം ആരംഭിച്ചത് കൊച്ചിന് കലാഭവനിലാണ്. പിന്നീട് ഇദ്ദേഹം കൊച്ചിന് സാഗര് എന്ന മിമിക്രി ഗ്രൂപ്പില് ചേര്ന്നു. 1996ല് 'ഇഷ്ടമാണ് നൂറുവട്ടം' എന്ന സിനിമയിലൂടെയായിരുന്നു സലിം കുമാറിന്റെ സിനിമാ അരങ്ങേറ്റം. 2006ല് അച്ഛനുറങ്ങാത്ത വീട് എന്ന സിനിമയിലെ അഭിനയത്തിന് മികച്ച രണ്ടാമത്തെ നടനുള്ള സംസ്ഥാന ചലച്ചിത്ര പുരസ്കാരം സലിംകുമാര് അര്ഹനായി. 2011ല് ആദാമിന്റെ മകന് അബുവെന്ന ചിത്രത്തിലൂടെ മികച്ച നടനുള്ള സംസ്ഥാന, ദേശീയ ചലച്ചിത്ര പുരസ്കാരവും സലിംകുമാര് സ്വന്തമാക്കി.
1969ല് എറണാകുളം ജില്ലയിലെ വടക്കന് പറവൂരില് ഗംഗാധരന്-കൗസല്യ ദമ്പതികളുടെ ഇളയ മകനായാണ് ജനനം. വടക്കന് പറവൂരിലുള്ള ഗവണ്മെന്റ് ലോവര് പ്രൈമറി സ്കൂളിലും ഗവണ്മെന്റ് ബോയ്സ് ഹൈസ്കൂളിലുമായിട്ടാണ് സലീം കുമാര് തന്റെ സ്കൂള് വിദ്യാഭ്യാസം പൂര്ത്തിയാക്കിയത്. പിന്നീട് മാല്യങ്കര എസ്.എന്.എം.കോളേജിലെ പ്രീഡിഗ്രി വിദ്യാഭ്യാസത്തിനുശേഷം എറണാകുളം മഹാരാജാസ് കോളജില് നിന്നും അദ്ദേഹം ബിരുദമെടുത്തു.
'കറുത്ത ജൂതന്', 'ദൈവമേ കൈതൊഴാം കെ. കുമാറാകണം', 'കംപാര്ട്മെന്റ്' എന്നീ സിനിമകള് സംവിധാനം ചെയ്തിട്ടുണ്ട്. നടന് ചന്തു, ആരോമല് എന്നിവര് മക്കളാണ്.
.jpg)
0 Comments