തിരുവനന്തപുരം: സംസ്ഥാനത്ത് ദിവസങ്ങളുടെ ഇടവേളക്ക് ശേഷം വീണ്ടും മഴ മുന്നറിയിപ്പ്. നാളെ മുതല് മൂന്ന് ദിവസത്തേക്കാണ് യെല്ലോ അലര്ട്ട് നല്കിയിരിക്കുന്നത്. നാളെ കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.
യെല്ലോ അലര്ട്ട് പ്രഖ്യാപിച്ച മറ്റ് ജില്ലകള്
ആഗസ്റ്റ് 24: പത്തനംതിട്ട, കോട്ടയം, ഇടുക്കി, എറണാകുളം, തൃശൂര്
ആഗസ്റ്റ് 25: കോട്ടയം, ഇടുക്കി, എറണാകുളം
തിരുവോണ ദിവസമായ 26ന് നിലവില് ഒരു ജില്ലയിലും മഴ മുന്നറിയിപ്പ് നല്കിയിട്ടില്ല.
കള്ളക്കടല് ജാഗ്രതാ നിര്ദേശം
കള്ളക്കടല് പ്രതിഭാസത്തിന്റെ ഭാഗമായി തിരുവനന്തപുരം (കാപ്പില് മുതല് പൊഴിയൂര് വരെ), കൊല്ലം (ആലപ്പാട്ട് മുതല് ഇടവ വരെ), ആലപ്പുഴ (ചെല്ലാനം മുതല് അഴീക്കല് ജെട്ടി വരെ), എറണാകുളം (മുനമ്പം എഒ മുതല് മറുവക്കാട് വരെ), തൃശൂര് (ആറ്റുപുറം മുതല് കൊടുങ്ങല്ലൂര് വരെ), മലപ്പുറം (കടലുണ്ടി നഗരം മുതല് പാലപ്പെട്ടി വരെ), കോഴിക്കോട് (ചോമ്പാല എഒ മുതല് രാമനാട്ടുകര വരെ), കണ്ണൂര് (വളപട്ടണം മുതല് ന്യൂ മാഹി വരെ) ജില്ലകളിലെ തീരങ്ങളില് നാളെ (23) രാവിലെ 8.30 വരെ 1.4 മീറ്റര് വരെ ഉയര്ന്ന തിരമാലകള് കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം അറിയിച്ചു.
%20(1).jpg)
0 Comments